• E pēhea e noho matatapu ai ōku kōrero?

    Ka whakatinanahia e mātou ngā mātāpono matatapu e ai ki te Privacy Act. E ai ki te tūtohinga kiritaki, ka noho matatapu, ka noho muna ō pārongo kōrero. Ka āta puritia ō pārongo kōrero, ā, ka kaha tiakina e mātou.  

  • E pēhea e noho muna ai ngā kōrero?

    Ki te kore e tohutohua kia noho muna, ka tukua ki ngā taha e rua - ākonga me te umanga mātauranga - ngā kōrero katoa e whiwhia ana i te kōamuamu e mātaihia ana. Ka whai wā te ākonga me te umanga mātauranga ki te wherawhera me te whakahoki kōrero e pā ana ki ngā pārongo kōrero e whakawhitia ana.

    Ka muna te tukanga a iStudent Complaints, ā, ka noho muna ai ngā taipitopito matawhaiaro, e kore e whakarewahia ki te tūmatawhānui.

    Mēnā ka whakawā ōkawatia te kōamuamu, tērā pea ka whakapāhōtia te whakataunga rā ki te ipurangi e iStudent Complaints. I mua i te whakapāhōtanga, ka whakakorehia ngā kōrero matawhaiaro me ngā pārongo kōrero e taea ai te tautohu i te tangata.

    I ētahi wā, ka whakawhitiwhiti pārongo kōrero ki NZQA i te kōamuamu e mātaihia ana. Ka tukuna ngā pārongo kōrero tautangata ki te Tāhuhu o te Mātauranga.

  • He mea e kore e taea e iStudent Complaints te whakatau?

    Ko tā iStudent Complaints he aro ki ngā kōamuamu moni me ngā kōamuamu kirimana.

    Kāore pea e taea e iStudent Complaints te āwhina (kāore e whakaae ki te mātai i te kōamuamu) mehemea:

    • Kāore te umanga i whai wāhi atu ki te whakatau i te raru.
    • Kua whakataungia kētia e iStudent Complaints te tautohe.
    • He kiko kore (karekau he kiko tō te kōamuamu), he mea whakahōhā (ko te whakahōhā anake te take o te kōamuamu).
    • He tōmuri rawa te tuku kōamuamu, ā, nā te tōmuri rawa o te tuku kōamuamu e kore e taea te kohi taunaki, te kohi pārongo kōrero rānei ki te whakatau i te tautohenga.

    He kōamuamu e pā ana ki te tiakinga o te ākonga tāwāhi, he kōamuamu mō tētahi kaupapa atu i te moni me te kirimana rānei, hei reira e tonoa ai pea tō kōamuamu ki NZQA kē.

  • He pūrongo tāu mō ngā umanga mātauranga?

    Āe - he pūrongo e puta ana ia toru marama, kei reira ngā kōrero āwhina ki te whakatau i ngā tautohe me ngā tauira tautohe i rukuhia e mātou. Pēhi mai kia whiwhi atu ai.

  • He rite tonu te wāhi o iStudent Complaints me NZQA ki te whakatau i ngā kōamuamu nō ngā ākonga tāwāhi?

    Kāo. Ko tā iStudent Complaints he whakatau i ngā tautohenga o te ākonga tāwāhi ki te umanga mō ngā take kirimana me ngā take moni.

    Ko NZQA te Code Administrator e aro ana ki te whakatinanatanga o ngā umanga i te Code of Practice.

  • He ture tō te kaupapa nei?
  • Ka āwhina koe i tētahi o ngā taha?

    Ka noho arero taiaha mātou. Ka arotahi mātou ki ngā whakataunga i te tīmatatanga, ā, ka tautoko mātou i ngā taha e rua ki te whakatau i te tautohenga. Ki te kore e whakataungia te raru, mā mātou e whakatau e ai ki ngā pārongo kōrero i whiwhia me ngā ture o te whenua.

  • Ka mōhio te umanga kua tāpaetia e au te kōamuamu?

    Āe.

  • Ka noho muna ai te whakataunga?

    Āe, ka noho muna te whakataunga ki ngā taha e rua o te tautohenga.

  • Ka taea e au te kite atu i ngā kōrero e hāngai ana ki a au?

    Āe –whakapā mai ki a mātou mā te īmēra, mā te waea, mā te tuku reta rānei ki te Privacy Officer, FairWay Resolution Limited, PO Box 841 Christchurch.

  • Ka taea e koe te whakarite i tētahi kaiwhakamāori reo?

    Āe. Ka taea e mātou te whakarite i te kaiwhakamāori reo ā-waha. Whakamōhio mai kātahi ka whakaritehia e mātou. 

  • Ka taea e te ākonga te tuku kōamuamu ki te kore ia i whai atu i te tukanga kōamuamu o te umanga?

    Kāo. Mēnā he kōamuamu tō te ākonga, me whakapā atu ki tōna umanga mātauranga i te tuatahi. E ai ki te Code, me whai tukanga kōamuamu ngā umanga mātauranga.

    Ki te kore ngā āwangawanga o te ākonga kia tau whai muri i te tukanga kōamuamu o te umanga, ka wātea te ākonga ki te kōamuamu atu ki NZQA mō te whatinga o te Code, ki iStudent Complaints mō ngā tautohenga e hāngai ana ki te kirimana, ki te moni rānei.

  • Ki hea atu whai āwhina ai au?

    Ānei ētahi hononga pae tukutuku pai:

    ētahi anō pae tukutuku hei whakaarotanga māu.

  • Kia kore ai au e ohorere, ka ahatia?

    Tā mātou ki te āwhina:

    - Ka tautoko i a koe ki te kimi i ngā kōrero e hāngai pū ana

    - Ka whakakao i a kōrua ko tō umanga mātauranga kia kōrero tahi ai kōrua

    - He mahi tahi ki a koe kia tau ai te kōamuamu.

  • Ko wai e āhei ana ki te tuku kōamuamu?

    He ākonga tāwāhi kua uru, e uru ana rānei, ki tētahi umanga ki Aotearoa, ngā ākonga tāwāhi nō mua i uru atu ki te umanga i Aotearoa, he mātua, he kaitiaki whai mana rānei.

  • Kua hoki au ki te kāinga. Kei te āhei tonu koe ki te āwhina?

    Āe - kei te āhei a iStudent Complaints ki te āwhina i a koe ahakoa e noho ana ki Aotearoa, kāore rānei. Āwhina ai mātou i ngā ākonga nō whenua kē mā runga ipurangi.

  • Me whai rōia ahau?

    Kāo, heoi ka taea te rōia, tētahi kaitautoko rānei hei āwhina i a koe.